Oralda avtokólik mototsıklmen júrgen eki jasóspirimdi qaǵyp ketti
ORAL. QazAqparat – Oralda avtokólik mototsıklmen júrgen eki jasóspirimdi qaǵyp ketti, dep habarlaıdy QazAqparat tilshisi.
BQO polıtsııa departamentiniń baspasóz qyzmeti málim etkendeı, oqıǵa 15 maýsym kúni H.Dospanova men F.Neýsypov kósheleriniń qıylysynda bolǵan.
Shamamen saǵat 17.00-de «Sharan» avtokóliginiń 1987 jylǵy júrgizýshisi mototsıkldi ótkizbeı, qaǵyp ketken.
Jol apaty saldarynan mototsıkldi júrgizip kele jatqan 2006 jylǵy jasóspirim oblystyq kópbeıindi aýrýhananyń jansaqtaý bólimine jatqyzyldy. Mototsıklde onymen birge bolǵan 2005 jylǵy qyz da jaraqat alǵan.
Oǵan qosa «Sharan» avtokóligindegi bir jolaýshynyń da densaýlyǵyna zaqym kelgen.
Qazirgi kezde oqıǵanyń jaı-japsary anyqtalý ústinde.
Sondaı-aq búgin shamamen saǵat 15.20-da M.Mámetova men Qurmanǵazy kósheleriniń qıylysynda 22 jastaǵy júrgizýshi «VAZ» avtokóligimen jol qozǵalysy qaýipsizdigin qamtamasyz etpeı, jaryq baǵanyna soǵylǵan.
Saldarynan júrgizýshi men jolaýshy jaraqat aldy.
Eske sala keteıik, budan buryn polıtseıler aýdarylǵan avtokólikten úsh adamdy shyǵaryp úlgergenin jazǵan bolatynbyz.
