Oralda avtokólik qorshaýǵa ilinip qaldy
ORAL. QazAqparat - Oralda jol apatynan keıin «Volvo» avtokóligi temir qorshaýǵa ilinip qaldy, dep habarlaıdy QazAqparat tilshisi.
BQO TJ departamentinen túsken málimetke qaraǵanda, oqıǵa 21 naýryz kúni saǵat 23.50 shamasynda Depo kópiri aýdanynda Depovskaıa men Kýlıchev kósheleriniń qıylysynda oryn aldy.
Oqıǵa ornyna TJ departamentiniń qyzmetkerleri órttiń shyǵýyna jol bergen joq. Qutqarýshylar arnaıy quraldardyń kómegimen temir qorshaýdy kesip, avtokólikti jolǵa túsirdi.
Apattyq-qutqarý jumystaryna barlyǵy 10 adam, 2 tehnıka jumyldyryldy.
BQO densaýlyq saqtaý basqarmasynyń naqtylaýynsha, bir adam Oral qalalyq kópbeıindi aýrýhanasyna jetkizildi. Ol búgin jansaqtaý bóliminen bólimshege aýystyryldy.
Eske sala keteıik, budan buryn BQO-da 15 tonna pishen janyp ketkenin jazǵan bolatynbyz.
