Oralda avtokólik qaqqan qyz bala aýyr halde jatyr
ORAL. QazAqparat - Oralda avtokólik qaqqan on jasar qyz bala jansaqtaý bóliminde jatyr, dep habarlaıdy QazAqparat tilshisi.
Oblystyq densaýlyq saqtaý basqarmasynyń baspasóz hatshysy Aınagúl Saqposynovanyń aıtýynsha, shaqyrtý tańǵy saǵat 07.25-te túsken.
Ashyq bas-mı jaraqatyn alǵan 2008 jylǵy qyz bala qalalyq kópbeıindi aýrýhananyń jansaqtaý bólimine jetkizilgen.
Oblystyq kópbeıindi balalar aýrýhanasynan da dárigerler shaqyrtyldy. Dárigerler qyz balany otaǵa daıyndaý ústinde.
Batys Qazaqstan oblystyq Іshki ister departamentinen túsken málimetke qaraǵanda, Ábilqaıyr han dańǵyly men Tsıolkovskıı kóshesiniń qıylysynda «Lada Prıora» kóligimen qyz balany qaǵyp ketken 22 jasar júrgizýshi oqıǵa ornynan boı tasalaǵan. Sodan keıin avtokóligin jasyryp tastaǵan ol ustalǵan.
Qazirgi kezde oqıǵanyń jaı-japsary anyqtalyp jatyr.
