Oralda avtokólik qaqqan er adam mert boldy
ORAL. QazAqparat - Oralda avtokólik qaqqan er adam mert boldy, dep habarlaıdy QazAqparat tilshisi.
Oqıǵa keshe saǵat 23.00 shamasynda Zachagan kentindegi №20 mektep aıaldamasy mańynda oryn aldy.
«VAZ-2110» avtokóligi er adamdy qaǵyp ketken.
Oblystyq densaýlyq saqtaý basqarmasynyń baspasóz qyzmetinen túsken málimetke qaraǵanda, jedel járdem 23.02-de shaqyryldy.
Ashyq bas-mı jaraqatyn alǵan 55 jasar er adam oblystyq kópbeıindi aýrýhanaǵa jetkizildi. Er adam búgin jansaqtaý bóliminde kóz jumdy.
Eske sala keteıik, budan buryn Oralda eki avtobýstyń soqtyǵysyp, 11 adamnyń zardap shekkenin jazǵan bolatynbyz.
Oblystyq polıtsııa departamenti baspasóz qyzmetiniń naqtylaýynsha, 15 mamyr kúni Jáńgir han kóshesi boıyndaǵy «Jazıra» aıaldamasynda №3 avtobýstyń júrgizýshisi araqashyqtyqty saqtamaı, №5 baǵytpen júretin taǵy bir qoǵamdyq kólikpen túıisýge jol bergen.
Saldarynan oblystyq kópbeıindi aýrýhananyń jaraqat pýnktine 12 adam jetkizilip, bir jolaýshy jatqyzylǵan.
Qazirgi kezde atalǵan oqıǵa boıynsha qajetti tekserý sharalary júrgizilýde.
