Oralda avtokólik qaqqan 70 jastaǵy zeınetker aýrýhanaǵa tústi
ORAL. QazAqparat – Oralda avtokólik qaǵyp ketken er adam aýrýhanaǵa tústi, dep habarlaıdy QazAqparat tilshisi.
BQO densaýlyq saqtaý basqarmasynyń baspasóz qyzmeti málim etkendeı, oqıǵa 31 qańtar kúni S.Datuly kóshesi boıyndaǵy «Saryarqa» meıramhanasy tusynda boldy.
Oqıǵa ornyna jedel járdem saǵat 11.35-te jetti. Avtokólik 1950 jylǵy er adamdy qaǵyp ketti.
Aldyn ala málimet boıynsha, aıaǵy synǵan er adam oblystyq kópbeıindi aýrýhananyń hırýrgııa bólimshesine jatqyzylǵan.
BQO polıtsııa departamentiniń resmı ókili Bolatbek Belgibekov oqıǵanyń mán-jaıy anyqtalyp jatqanyn jetkizdi. Eger er adamnyń jaraqaty aýyr bolsa, QR QK 345-babyna sáıkes qylmystyq is qozǵalýy múmkin.
Taǵy bir jol-kólik oqıǵasy Petrovskıı kóshesi boıynda boldy. Eki avtokólik soqtyǵysyp, jedel járdem saǵat 15.13-te bardy.
1989 jylǵy áıel adam oblystyq kópbeıindi aýrýhanaǵa jetkizildi.
Dárigerler qaraǵannan keıin ol úıine jiberildi.
Eske sala keteıik, budan buryn BQO-da bes avtokólik soqtyǵysyp, bir adamnyń qaza tapqanyn, Oralda gazdan ýlanǵan 58 jastaǵy er adamnyń kóz jumǵanyn jazǵan bolatynbyz.
