Oralda avtokólik qaǵyp ketken er adamnyń jaǵdaıy óte aýyr
ORAL. QazAqparat – Oralda avtokólik qaǵyp ketken er adamnyń jaǵdaıy óte aýyr, dep habarlaıdy QazAqparat tilshisi.
BQO densaýlyq saqtaý basqarmasynyń baspasóz qyzmetinen málim etkendeı, oqıǵa búgin túnde saǵat 00.55-te Podstepnyıǵa barar joldaǵy kópirde boldy.
«1988 jylǵy er adam qalalyq kópbeıindi aýrýhananyń jansaqtaý bóliminde jatyr. Ota jasalǵan, esi áli kirgen joq. Jaǵdaıy óte aýyr», - dep habarlady vedomstvodan.
Qazirgi kezde oqıǵanyń mán-jaıy anyqtalý ústinde.
Eske sala keteıik, budan buryn Oralda 26 jastaǵy jigittiń toǵyzynshy qabattan sekirip ketkenin jazǵan bolatynbyz.
