Oralda avtokólik qaǵyp ketken er adam kóz jumdy

ORAL. QazAqparat – Oralda avtokólik qaǵyp ketken 51 jastaǵy er adam kóz jumdy, dep habarlaıdy QazAqparat tilshisi.

BQO polıtsııa departamentiniń baspasóz qyzmetinen málim etkenindeı, oqıǵaa 21 jeltoqsan kúni saǵat 22.40-ta boldy.

«Qurmanǵazy kóshesiniń boıynda 35 jastaǵy júrgizýshi «Lada Prıora» avtokóligimen belgilenbegen jerden ótip bara jatqan jaıaý júrginshini qaǵyp ketti. Jol apaty saldarynan 51 jastaǵy er adam aýrýhananyń jansaqtaý bóliminde qaıtys boldy. Atalǵan derek boıynsha QR QK 345-baby 3-bóligine sáıkes sotqa deıingi tergeý amaldary júrgizilýde», dep habarlady vedomstvodan.

Bıylǵy 11 aıda Oral qalasynda jaıaý júrginshini qaǵyp ketý boıynsha 84 jol-kólik oqıǵasy tirkelgen. Sonyń saldarynan 7 adam qaza taýyp, 81-i túrli jaraqat alǵan.

Eske sala keteıik, budan buryn Oralda polıtseıge shabýyl jasaǵan turǵynnyń qamaýǵa alynǵanyn jazǵan bolatynbyz.