Oralda avtokólik qaǵyp ketken er adam aýrýhanaǵa jetkizildi
ORAL. QazAqparat - Oralda avtokólik qaǵyp ketken er adam aýrýhanaǵa jetkizildi, dep habarlaıdy QazAqparat tilshisi.
BQO polıtsııa departamenti baspasóz qyzmetinen túsken málimetke qaraǵanda, oqıǵa 9 qarasha kúni shamamen saǵat 09.00-de Oral-Jelaev trassasynda boldy.
«Agran» JShS tusynda 68 jastaǵy júrgizýshi «Lada 2107» avtokóligimen jaıaý júrginshi ótkelinde 49 jastaǵy er adamdy qaǵyp ketken.
Sonyń saldarynan kóptegen dene jaraqattaryn alǵan er adam oblystyq kópbeıindi aýrýhanaǵa jetkizildi.
Medıtsınalyq kýálandyrý qorytyndysyna sáıkes júrgizýshi ishimdik ishpegen.
Qazirgi kezde QR QK 345-baby 1-bóligine sáıkes sotqa deıingi tergeý amaldary júrgizilýde.
Oblystyq densaýlyq saqtaý basqarmasynyń baspasóz hatshysy Aınagúl Saqposynovanyń naqtylaýynsha, er adam jabyq bas-mı jaraqatyn alyp, mıy shaıqalǵan. Oń jambasy synǵan, oǵan qosa denesi kógergen.
Eske sala keteıik, budan buryn Reseıde jasalǵan qylmysqa qatysy bar 11 avtomashınanyń BQO-dan tabylǵanyn jazǵan bolatynbyz.
