Oralda avtokólik qaǵyp ketken er adam aýrýhanada kóz jumdy
ORAL. QazAqparat – Oralda avtokólik qaǵyp ketken er adam aýrýhanada kóz jumdy, dep habarlaıdy QazAqparat tilshisi.
QazAqparat budan buryn jazǵandaı, oqıǵa búgin saǵat 14.00 shamasynda Abaı dańǵylynda bolǵan.
Volkswagen Golf avtokóliginiń júrgizýshisi belgilenbegen jerden ótip bara jatqan 1952 jylǵy er adamdy qaǵyp ketti.
Ol sodan keıin aýrýhanaǵa jetkizilgen edi.
«Jaıaý júrginshi jergilikti saǵat 17.36 shamasynda aýrýhanada kóz jumdy. Marqum ashyq bas-mı jaraqaty, basqa da dene jaraqattaryn alǵan. Qazirgi kezde osy oqıǵa boıynsha QR QK 345-baby 2-bóligine sáıkes qylmystyq is qozǵalyp, sotqa deıingi tergeý amaldary bastaldy. Polıtsııa departamenti jol qozǵalysy erejesin saqtaý qajettigin turǵyndardyń esine salady» dep habarlady BQO polıtsııa departamentiniń baspasóz qyzmeti.
