Oralda avtokólik qaǵyp ketken eki jasóspirim aýyr halde aýrýhanaǵa tústi

ORAL. QazAqparat – Oralda jol tańdamaıtyn avtokólik qaǵyp ketken eki jasóspirim aýyr halde aýrýhanaǵa tústi, dep habarlaıdy QazAqparat tilshisi.

BQO densaýlyq saqtaý basqarmasynyń baspasóz qyzmeti málim etkenindeı, oqıǵa jeltoqsan kúni Derkól kentindegi «Nur» dúkeni janynda boldy.

Jedel járdem saǵat 19.00-de shaqyrtylyp, brıgada bes mınýttan keıin jetti.

«Jol apaty saldarynan 2005 jylǵy eki bozbala zardap shekti. Ekeýi de jabyq bas-mı jaraqatyn alyp, mılary shaıqalǵan. Jasóspirimder oblystyq kópbeıindi balalar aýrýhanasyna jatqyzyldy. Jaǵdaılary aýyr», dep habarlady vedomstvodan.

BQO polıtsııa departamentiniń baspasóz qyzmeti bolǵan oqıǵany rastap, júrgizýshiniń qashyp ketkenin jetkizdi.

Qazirgi kezde oqıǵanyń jaı-japsary anyqtalyp jatyr.

Eske sala keteıik, budan buryn Oralda polıtsııa qyzmetkeri polıtsııa ǵımaratynda atylyp ólgenin jazǵan bolatynbyz.