Oralda avtokólik qaǵyp ketken 59 jastaǵy áıel kóptegen jaraqatpen aýrýhanaǵa tústi

ORAL. QazAqparat – Oral qalasynda avtokólik qaǵyp ketken 59 jastaǵy áıel kóptegen jaraqatpen aýrýhanaǵa tústi, dep habarlaıdy QazAqparat tilshisi.

BQO polıtsııa departamentiniń baspasóz qyzmetinen málim etkenindeı, oqıǵa 7 aqpan kúni tańǵy saǵat 08.00 shamasynda boldy.

«1982 jylǵy júrgizýshi «Daewoo Nexia» avtokóligimen ıÝ.Gagarın men Jánibek kósheleriniń qıylysynda jol qozǵalysy qaýipsizdigin qamtamasyz etpeı, rettelmeıtin jaıaý júrginshi ótkelinen ótip bara jatqan áıeldi qaǵyp ketken. Saldarynan 1963 jylǵy áıel kóptegen jaraqatpen Oral qalalyq kópbeıindi aýrýhanasyna jetkizildi. Onyń densaýlyǵyna qanshalyqty zardap keltirilgenine baılanysty júrgizýshige qatysty shara alynatyn bolady», dep habarlady vedomstvodan.

Eske sala keteıik, budan buryn Oralda mektep órtenip, gazdan ýlanǵan kúzetshiniń aýrýhanaǵa túskenin jazǵan bolatynbyz.