Oralda avtokólik qaǵyp ketken 5-synyp oqýshysy kóz jumdy
BQO polıtsııa departamentiniń baspasóz qyzmeti málim etkenindeı, oqıǵa 26 qazan kúni shamamen saǵat 10.00-de Ábýbákir Kerderi kóshesi boıynda boldy.
«Toyota Land Cruiser Prado» avtokóliginiń júrgizýshisi, 1974 jylǵy áıel Á.Kerderi kóshesi 136-úı tusynda belgilenbegen jerden joldan júgirip ótpek bolǵan 10 jasar qyzdy qaǵyp ketti.
Túrli jaraqat alǵan qyz oblystyq kópbeıindi aýrýhanaǵa jetkizilgenimen, esin jııa almastan qaıtys boldy.
Medıtsınalyq kýálandyrýǵa sáıkes júrgizýshi ishimdik ishpegen.
Anyqtalǵanyndaı, qyz dúkennen úıine jalǵyz qaıtyp kele jatqan. Ol ekinshi aýysymda 5-synypta oqyp júr eken.
Qazirgi kezde QR QK 345-baby 3-bóligine sáıkes sotqa deıingi tergeý amaldary júrgizilýde. Tergeý barysynda tıisti saraptamalar taǵaıyndalatyn bolady.
BQO polıtsııa departamenti qyzdyń ata-anasy men týysqandaryna kóńil aıta otyryp, júrgizýshiler men jaıaý júrginshilerge jol erejesin buljytpaı saqtaý kerektigin eske salady.
Eske sala keteıik, budan buryn BQO-da jol apatynan avtokólik ishinde eki adamnyń janyp ketkenin jazǵan bolatynbyz.