Oralda avtokólik qaǵyp ketken 45 jastaǵy áıel aýrýhanaǵa tústi
ORAL. QazAqparat - Oralda avtokólik qaǵyp ketken áıel adam aýrýhanaǵa tústi, dep habarlaıdy QazAqparat tilshisi.
BQO polıtsııa departamentiniń resmı ókili Bolatbek Belgibekov málim etkendeı, oqıǵa 11 mamyr kúni saǵat 12.00 shamasynda bolǵan.
«Shkoda Oktavııa» avtokóliginiń 40 jastaǵy júrgizýshisi Isataı-Mahambet kóshesi boıynda halyqqa qyzmet kórsetý ortalyǵy mańynda jol qaýipsizdigin qamtamasyz etpeı, rettelmeıtin jaıaý júrginshi ótkelinen ótip bara jatqan 1976 jylǵy áıeldi qaǵyp ketken.
Jol apaty saldarynan áıel aýrýhanaǵa jatqyzyldy.
Avtokólik arnaıy turaqqa qoıyldy.
Oblystyq densaýlyq saqtaý basqarmasynyń baspasóz qyzmeti naqtylaǵanyndaı, jedel járdem saǵat 12.09-da shaqyrylyp, brıgada bes mınýttan keıin jetti.
Aldyn ala málimetke qaraǵanda, áıel ashyq bas-mı jaraqatyn alǵan. Ókshesi, oń jaq jilinshigi synǵan ol oblystyq kópbeıindi aýrýhanaǵa jetkizildi.
Eske sala keteıik, budan buryn Oralda eki avtokólik soqtyǵysyp, tórt adamnyń zardap shekkenin jazǵan bolatynbyz.
