Oralda avtokólik qaǵyp ketken 29 jastaǵy jigit kóz jumdy
ORAL. QazAqparat – Oralda avtokólik qaǵyp ketken jas jigit kóz jumdy, dep habarlaıdy QazAqparat tilshisi.
BQO polıtsııa departamentiniń baspasóz qyzmetinen túsken málimetke qaraǵanda, oqıǵa keshe keshkisin Oral-Ósken jolynda boldy.
1982 jylǵy júrgizýshi «Mersedes» avtokóligimen 1990 jylǵy jaıaý júrginshini qaǵyp ketti. Marqum oqıǵa ornynda jedel járdem kelgenge deıin qaza tapty.
Qazirgi kezde QR QK 345-baby 3-bóligine sáıkes tergeý amaldary júrgizilýde.
Oblystyq densaýlyq saqtaý basqarmasynyń baspasóz hatshysy Aınagúl Saqposynova jedel járdemniń saǵat 21.39-da shaqyrylyp, 21.45-te jetkendigin málim etti.
Jalpy, óńirde sońǵy kezde jol-kólik oqıǵalary kóbeıip ketip otyr.
Eske sala keteıik, budan buryn BQO-da jol apatynan bir aptada úsh adamnyń qaza tapqanyn jazǵan bolatynbyz.
