Oralda avtokólik qaǵyp ketken 10 jasar bala aýrýhanaǵa tústi
ORAL. QazAqparat – Oralda avtokólik qaǵyp ketken 10 jasar bala aýrýhanaǵa tústi, dep habarlaıdy QazAqparat tilshisi.
BQO polıtsııa departamentiniń baspasóz qyzmeti málim etkenindeı, oqıǵa búgin Almaty kóshesinde boldy.
24 jastaǵy júrgizýshi Volkswagen Vento avtokóligimen kele jatyp, jaıaý júrginshi jolaǵynda 10 jasar balany qaǵyp ketken.
Qazirgi kezde oqıǵanyń jaı-japsary anyqtalý ústinde.
Oblystyq densaýlyq saqtaý basqarmasy baspasóz qyzmetiniń naqtylaýynsha, jedel járdem saǵat 13.20-da shaqyryldy. Er bala mıy shaıqaldy degen kúdikpen oblystyq balalar aýrýhanasynda jatyr. Synyq jaraqaty joq.
Eske sala keteıik, budan buryn Oralda tórt avtokólik soqtyǵysyp, 4 adamnyń zardap shekkenin jazǵan bolatynbyz.
