Oralda avtokólik er adamdy qaǵyp ketti
ORAL. QazAqparat - Oralda jol-kólik oqıǵasy saldarynan er adam kóz jumdy, dep habarlaıdy «QazAqparat» tilshisi.
BQO ІІD baspasóz qyzmetinen túsken málimetke qaraǵanda, búgin shamamen saǵat 07-00-ler shamasynda «Aýdı-100» avtokóligi jylý-qýat ortalyǵy aýdanynda, Gagarın kóshesi boıynda baǵdarshamnyń tyıym salǵan belgisi janyp turǵanyna qaramastan, joldyń jaıaý júrginshilerge arnalǵan bóliginen ótip ketpekshi bolǵan zeınetkerdi qaǵyp ketken. Marqum oqıǵa ornynda qaza tapty. Avtokólik aıyp turaǵyna qoıyldy.
Atalǵan derek boıynsha QR QK 345-baby 3-bóligine sáıkes qylmystyq is qozǵalyp, tergeý amaldary júrgizilýde.
