Oralda avtokólik elektr baǵanyna soǵylyp, úsh adam zardap shekti
ORAL. QazAqparat – Oralda avtokólik elektr baǵanyna soǵylyp, úsh adam zardap shekti, dep habarlaıdy QazAqparat tilshisi.
Batys Qazaqstan oblysy TJ departamentiniń baspasóz qyzmetinen túsken málimetke qaraǵanda, oqıǵa 25 tamyz kúni saǵat 18.00-der shamasynda oryn aldy.
«Lada Granta» avtokóligi elektr baǵanyna soǵylyp, oqıǵa ornyna qutqarýshylar shaqyrylǵan. Olar arnaıy tehnıkanyń kómegimen avtokólik ishinde qystyrylyp qalǵan júrgizýshi men eki jolaýshyny alyp shyqty.
Oblystyq densaýlyq saqtaý basqarmasynyń baspasóz hatshysy Aınagúl Saqposynovanyń naqtylaýynsha, Táýelsizdik kóshesi boıynda bolǵan jol-kólik oqıǵasyna jedel járdem saǵat 17.57-de shaqyryldy.
1996 jylǵy er adam aldyn ala málimet boıynsha jabyq bas-mı jaraqatymen oblystyq kópbeıindi aýrýhanaǵa jetkizildi. 1960 jáne 1974 jylǵy er adamdardyń denesi kógergen. Olar aýrýhanaǵa jatýdan bas tartty.
Eske sala keteıik, budan buryn óńirde eki kólik soqtyǵysyp, bir adamnyń qaza tapqanyn jazǵan bolatynbyz.
