Oralda avtokólik eki kisini qaǵyp ketti
ORAL. QazAqparat – Oralda avtokólik eki kisini qaǵyp ketip, onyń bireýi qaza tapty, dep habarlaıdy QazAqparat tilshisi.
BQO polıtsııa departamentiniń baspasóz qyzmetinen túsken málimetke qaraǵanda, oqıǵa búgin túnde Sholohov kóshesi boıynda oryn alǵan.
19 jastaǵy júrgizýshi «Aýdı» kóligimen ótýge bolmaıtyn jerde ketip bara jatqan eki adamdy qaǵyp ketken.
Qazirgi kezde atalǵan oqıǵa boıynsha QR QK 345-baby 3-bóligine sáıkes qylmystyq is qozǵalyp, tergeý amaldary júrgizilýde.
Oblystyq densaýlyq saqtaý basqarmasynyń baspasóz hatshysy Aınagúl Saqposynovanyń naqtylaýynsha, Sholohov pen Tsıolkovskıı kósheleri qıylysynda bolǵan jol-kólik oqıǵasyna jedel járdem saǵat 03.20-da shaqyrylyp, eki brıgada alty mınýttan keıin jetken.
1990 jylǵy er adam jedel járdem kelgenge deıin kóz jumdy. Jasy 20-lardaǵy jigit ashyq bas-mı jaraqatyn alyp, esinen tanǵan kúıinde oblystyq kópbeıindi aýrýhanaǵa jetkizildi.
«Qazir ol jansaqtaý bóliminde jatyr, jaǵdaıy aýyr», - dedi QazAqparat tilshisine A.Saqposynova.
