Oralda avtokólik eki adamdy qaǵyp ketti
ORAL. QazAqparat - Oralda jol apatynan jaıaý júrginshi kóz jumyp, polıtsııa qyzmetkeri jaraqat aldy, dep habarlaıdy QazAqparat tilshisi.
Oqıǵa keshe túnde «Oral-Samara» joly boıyndaǵy polıtsııa beketi mańynda oryn aldy.
«VAZ» avtokóligi eki adamdy qaǵyp ketken, onyń bireýi oqıǵa ornynda kóz jumdy. Polıtsııa qyzmetkeri jaraqat aldy.
BQO densaýlyq saqtaý basqarmasynyń baspasóz hatshysy Aınagúl Saqposynovanyń aıtýynsha, jedel járdemge shaqyrtý saǵat 22.39-da túsken. Jedel járdem brıgadasy bes mınýttan keıin jetken. 1983 jylǵy er adam jedel járdem kelgenge deıin qaıtys boldy. 1990 jylǵy er adam oblystyq klınıkalyq aýrýhanaǵa jetkizildi. Aldyn ala málimetke qaraǵanda, onyń ıyǵy synǵan, jabyq mı jaraqatyn alǵan, jaǵdaıy turaqty.
Oblystyq polıtsııa departamentiniń baspasóz qyzmeti bolǵan oqıǵany rastap, aqparattyń keıin beriletinin jetkizdi.
