Oralda avtokólik blokbeketke soǵyldy
ORAL. QazAqparat – Oralda avtokólik blokbeketke soǵyldy, dep habarlaıdy QazAqparat tilshisi.
Oqıǵa 30 naýryz kúni keshkisin Zachagan kentinde oryn aldy.
«VAZ-2115» avtokóligi qalanyń shetinde ornatylǵan blokbeketke soǵyldy.
BQO polıtsııa departamentiniń resmı ókili, polıtsııa polkovnıgi Bolatbek Belgibekovtiń aıtýynsha, blokbekette turǵan polıtsııa qyzmetkerleriniń eskertýine qaramastan, avtokólik blokty soǵyp ketken.
Júrgizýshi saý, eshkim zardap shekken joq.
«Júrgizýshige QR Ákimshilik quqyqbuzýshylyq kodeksi 610-babyna sáıkes (aıyppul salý) hattama toltyryldy», dedi B.Belgibekov.
Batys Qazaqstan oblysynda bas memlekettik sanıtarlyq dárigerdiń qaýlysyna sáıkes koronavırýstiń taralýyna tosqaýyl qoıý maqsatynda 31 naýryz kúni saǵat 00.00-den bastap qosymsha shekteý sharalary engizildi.
Osyǵan oraı oblys boıynsha 90, sonyń ishinde Oral qalasynda 8 blokbeket ornatyldy.
Eske sala keteıik, budan buryn BQO-da 92 adamnyń karantınde jatqanyn bolatynbyz.
Sondaı-aq karantınnen qashqan adamǵa aıyppul salyndy.
Sonymen qatar shekteý sharalary kúsheıtildi.
