Oralda avtokólik baǵanǵa soǵylyp, eki adam mert boldy
ORAL. QazAqparat – Oral qalasynda avtokólik baǵanǵa soǵylyp, eki adam mert boldy, dep habarlaıdy QazAqparat tilshisi.
BQO polıtsııa departamentiniń resmı ókili Bolatbek Belgibekovtiń málim etkenindeı, oqıǵa búgin saǵat 08.00 shamasynda Isataı-Mahambet pen A.Karev kósheleriniń qıylysynda boldy.
«VAZ-2112» avtokóliginiń 1993 jylǵy júrgizýshisi rýlge ıe bola almaı, baǵanǵa baryp soǵylǵan.
Júrgizýshi sol jerde jan tapsyrdy. Avtokólikte otyrǵan 1982 jylǵy jolaýshy aýrýhanaǵa jetkizilgenimen, bir saǵattaı ýaqyttan soń ol da kóz jumdy.
«Qazirgi kezde atalǵan oqıǵa boıynsha QR QK 345-babyna sáıkes sotqa deıingi tergeý amaldary bastaldy», dedi QazAqparat tilshisine B.Belgibekov.
Eske sala keteıik, budan buryn BQO-da jol apatynan eki adamnyń qaza tapqanyn, sondaı-aq iri dúkenniń órtenip ketkenin jazǵan bolatynbyz.
