Oralda avtokólik áıeldi qaǵyp ketti
ORAL. QazAqparat - Oralda keshe avtokólik áıel adamdy qaǵyp ketti, dep habarlaıdy QazAqparat tilshisi.
Oqıǵa Eýrazııa dańǵyly boıyndaǵy 8-mektep aıaldamasy tusynda oryn aldy.
Oblystyq densaýlyq saqtaý basqarmasynyń baspasóz hatshysy Aınagúl Saqposynovanyńń aıtýynsha, jedel járdem saǵat 21.59-da shaqyryldy. Brıgada saǵat 22.03-te jetken. Shamamen elý jastaǵy áıel jedel járdem kelgenge deıin kóz jumdy.
Qazirgi kezde oqıǵanyń jaı-japsary anyqtalyp jatyr.
Eske sala keteıik, bul - sońǵy kúnderdegi qaladaǵy osyndaı ekinshi oqıǵa. Budan buryn kólik qaǵyp ketken er adamnyń kóz jumǵanyn jazǵan bolatynbyz.
