Oralda avtokólik áıel adamdy qaǵyp ketti
ORAL. QazAqparat – Oralda avtokólik áıel adamdy qaǵyp ketti, dep habarlaıdy QazAqparat tilshisi.
Oqıǵa búgin túske taman Á.Áıtıev kóshesi boıynda boldy.
Oblystyq densaýlyq saqtaý basqarmasynyń baspasóz hatshysy Aınagúl Saqposynovanyń aıtýynsha, jedel járdem saǵat 11.58-de shaqyrtylǵan.
Brıgada oqıǵa ornyna 12.03-te jetti. Avtokólik qaqqan jasy 50-55-terdegi áıel jabyq bas-mı jaraqatyn alyp, mıy shaıqalǵan. Oǵan qosa basynyń tóbe tusynan jaraqattanǵan áıel oblystyq kópbeıindi aýrýhanaǵa jetkizildi.
Eske sala keteıik, budan buryn Oralda avtokóliktiń eki kisini qaǵyp ketkenin jazǵan bolatynbyz.
