Oralda avtokólik aıaldamany qıratyp ketti
ORAL. QazAqparat – Oralda jeńil avtokólik aıaldamany qıratyp ketti, dep habarlaıdy QazAqparat tilshisi.
BQO polıtsııa departamentiniń resmı ókili Bolatbek Belgibekovtiń málim etkenindeı, oqıǵa 6 qazan kúni túngi saǵat 23.00-de Gagarın kóshesi «Mehovaıa» aıaldamasynda boldy.
31 jastaǵy júrgizýshi aıdaǵan «Lada Prıora» avtokóligi aıaldamaǵa baryp soǵylǵan.
Jol apaty saldarynan júrgizýshi men 30 jastaǵy jolaýshy túrli dene jaraqattarymen oblystyq aýrýhanaǵa jetkizildi. Basqa eshkim zardap shekken joq.
«Qazirgi kezde birneshe saraptama taǵaıyndaldy. Sonyń ishinde adamnyń alkogoldik ishimdik ishken-ishpegendigin anyqtaıtyn sot-hımııalyq saraptama júrgiziledi. Sonyń qorytyndysyna sáıkes naqty protsessýaldyq sheshim qabyldanady. Sonymen qatar keltirilgen shyǵyn anyqtalý ústinde», dedi QazAqparat tilshisine B.Belgibekov.
BQO polıtsııa departamenti júrgizýshilerdi jolda júrý erejesine nemquraıly qaramaı, qaǵıdalaryn saqtaýǵa, jaıaý júrginshilerdi belgilengen jerden ótýge shaqyrady.
Oblystyq densaýlyq saqtaý basqarmasy baspasóz qyzmetiniń naqtylaýynsha, 30 jastaǵy er adam synyq jáne jabyq bas- mı jaraqatyn alyp, mıy shaıqalǵan. Mas kúıinde bolǵan.
Omyrtqasyna zaqym kelgen 31 jastaǵy er adamnyń da jaǵdaıy aýyr. Qazir ekeýi de jansaqtaý bóliminde jatyr.
Eske sala keteıik, budan buryn «KamAZ» ben jeńil kólik soqtyǵysyp, bir adamnyń qaza tapqanyn jazǵan bolatynbyz.
