Oralda avtokólik aıaldamaǵa soǵycyp, 64 jastaǵy júrgizýshi aýrýhanaǵa jetkizildi

ORAL. QazAqparat – Oralda avtokólik aıaldamaǵa soǵycyp, 64 jastaǵy júrgizýshi aýrýhanaǵa jetkizildi, dep habarlaıdy QazAqparat tilshisi.

Oqıǵa 24 jeltoqsan kúni Abaı dańǵyly boıynda ǵylymı-tehnıkalyq kitaphana aıaldamasynda boldy.

«Folksvagen» avtokóligi aıaldamaǵa soǵycqan.

BQO densaýlyq saqtaý basqarmasynyń baspasóz qyzmetinen málim etkenindeı, jedel járdem saǵat 11.39-da shaqyryldy. Jol apaty saldarynan 1958 jylǵy er adam qalalyq kópbeıindi aýrýhanaǵa jetkizildi.

«64 jastaǵy er adamdy nevropatolog qarady, MRT jasaldy. Ázirge ol dárigerlerdiń baqylaýynda», - dep habarlady vedomstvodan.

Qazirgi kezde oqıǵanyń jaı-japsary anyqtalyp jatyr.

Eske sala keteıik, budan buryn Oralda avtokólik qaǵyp ketken er adamnyń kóz jumǵanyn jazǵan bolatynbyz.