Oralda avtokólik aýdarylyp, jolaýshy mert boldy
ORAL. QazAqparat – Oral qalasynda avtokólik aýdarylyp, jolaýshy mert boldy, dep habarlaıdy QazAqparat tilshisi.
BQO polıtsııa departamentiniń baspasóz qyzmetinen túsken málimetke qaraǵanda, oqıǵa 25 maýsym kúni saǵat 00.30-da boldy.
«Lada Kalına» avtokóliginiń 1980 jylǵy júrgizýshisi Atameken kóshesinde kele jatyp, rýlge ıe bola almaı qalǵan. Sóıtip avtokóliktiń aýdarylýyna jol bergen.
Sonyń saldarynan avtokólikte otyrǵan 1987 jylǵy jolaýshy oqıǵa ornynda kóz jumdy.
Qazirgi kezde QR QK 345-baby 3-bóligine (abaısyzda kisi ólimine soqtyrǵan jol qozǵalysy erejesin buzý) sáıkes sotqa deıingi tergeý amaldary júrgizilýde.
Eske sala keteıik, budan buryn Oralda eki avtokólik soqtyǵysyp, júrgizýshi qaza tapqanyn jazǵan bolatynbyz.
