Oralda avtokólik aýdarylyp, kishkentaı sábı jaraqat aldy
ORAL. QazAqparat - Oralda avtokólik aýdarylyp, kishkentaı sábı jaraqat aldy, dep habarlaıdy QazAqparat tilshisi.
Oblystyq densaýlyq saqtaý basqarmasynyń baspasóz hatshysy Aınagúl Saqposynovanyń aıtýynsha, oqıǵa keshe qaladan shyǵaberistegi Ysqyryq taýda (Svıstýn gora) Oral-Atyraý kúre joly boıynda oryn aldy.
Oqıǵa ornyna jedel járdem saǵat 17.57-de shaqyrylyp, brıgada 18.02-de jetken.
«Jol apaty saldarynan 2018 jylǵy jeti aılyq sábı men 1993 jylǵy áıel adam zardap shekken. Aldyn ala málimet boıynsha jabyq bas-mı jaraqatyn alǵan olar oblystyq aýrýhanaǵa jetkizildi», dedi A.Saqposynova.
Kýágerlerdiń sózine qaraǵanda, keshe keshkisin osy mańda kólik keptelisi oryn aldy. Buǵan aldyńǵy kúni qar jaýyp, jerdiń taıǵaq bolýy da áser etti.
