Oralda avtokólik 10 jasar qyzdy qaǵyp ketti
BQO polıtsııa departamentiniń baspasóz qyzmeti málim etkendeı, oqıǵa 27 qazan kúni shamamen saǵat 08.30-da Zachagan kentindegi №10 mektep mańynda boldy.
«Mersedes» avtokóliginiń 33 jastaǵy júrgizýshisi M.Móńkeuly kóshesinde belgilenbegen jerden ótip bara jatqan 2011 jylǵy qyz balany qaǵyp ketti.
Qyz oblystyq kópbeıindi balalar aýrýhanasyna jetkizildi.
Oqıǵa ornynda polıtsııa qyzmetkerleri jumys istedi.
Avtokólik arnaıy turaqqa qoıyldy.
Anyqtalǵanyndaı, qyz bala mektepke ata-anasynsyz, jalǵyz bara jatqan.
BQO densaýlyq saqtaý basqarmasynyń baspasóz hatshysy Aınagúl Saqposynovanyń naqtylaýynsha, buǵanasyn soǵyp alǵan qyz bala dárigerler qaraǵannan keıin ambýlatorııalyq em alýǵa jiberildi.
Oral qalasynda sońǵy eki kúnde osyndaı eki oqıǵa tirkelip otyr.
Eske sala keteıik, budan buryn Oralda avtokólik qaǵyp ketken 5-synyp oqýshysy kóz jumǵanyn jazǵan bolatynbyz.