Oralda avtokólik 10 jasar qyzdy qaǵyp ketti
ORAL. QazAqparat – Oral qalasynda avtokólik 10 jasar qyzdy qaǵyp ketti, dep habarlaıdy QazAqparat tilshisi.
BQO polıtsııa departamentiniń baspasóz qyzmetinen túsken málimetke qaraǵanda, oqıǵa 20 qarasha kúni keshkisin Ábilqaıyr han dańǵyly men Jelaev trassasy arasyndaǵy shaǵyn Nur kóshesinde oryn aldy.
«Qyzdy qaǵyp ketken mashına oqıǵa ornynan boı tasalaǵan. Qandaı avtokólik ekendigi belgisiz. Qazirgi kezde ony izdestirý jumystary júrgizilýde», - dedi QazAqparat tilshisine polıtsııa departamenti baspasóz qyzmetiniń bastyǵy Bolatbek Belgibekov.
Oblystyq densaýlyq saqtaý basqarmasynyń baspasóz hatshysy Aınagúl Saqposynovanyń aıtýynsha, «Báıterek» shaǵynaýdany Nur kóshesinde bolǵan jol-kólik oqıǵasyna baılanysty jedel járdem saǵat 20.51-de shaqyryldy. Brıgada 6 mınýttan keıin jetti. 2009 jylǵy qyz bala jedel járdem kelgenge deıin qaıtys bolyp ketken.
