Oralda avtobýstyń er adamdy qaǵyp ketý oqıǵasy tergelýde
ORAL. QazAqparat - Oralda avtobýstyń er adamdy qaǵyp ketý oqıǵasy tergelýde, dep habarlaıdy QazAqparat tilshisi.
BQO polıtsııa departamentiniń baspasóz qyzmetinen túsken málimetke qaraǵanda, 28 aqpan kúni saǵat 20.30 shamasynda №5 baǵytpen júretin avtobýstyń 1985 jylǵy júrgizýshisi Jáńgir han kóshesinde «Fenıks» dúkeni tusynda 1966 jylǵy er adamdy qaǵyp ketken.
Belgilenbegen jerden joldan ótip bara jatqan er adam alǵan jaraqattary saldarynan oqıǵa ornynda kóz jumdy.
«Qazirgi kezde osy oqıǵa boıynsha Oral qalalyq polıtsııa basqarmasy QR QK 345-baby 3-bóligine sáıkes sotqa deıingi tergeý amaldaryn júrgizýde», dep habarlady polıtsııa departamentiniń baspasóz qyzmetinen.
Eske sala keteıik, budan buryn Oralda avtobýstyń er adamdy qaǵyp ketkenin jazǵan bolatynbyz.
