Oralda avtobýstarda jolaqy baǵasy ózgeredi
Oral qalasy ákimdiginiń baspasóz qyzmetinen málim etkenindeı, shaharda jolaqy tóleýdiń elektrondy júıesi jolaýshy tasymaldaıtyn barlyq 27 qalalyq baǵytta ornatyldy.
«Oralda 10 tamyzdan bastap saralanǵan jolaqy baǵasy engiziledi. Atap aıtqanda, kólik kartasy, Avtobys, QR-kod jáne Kaspi QR qosymshalarymen jolaýshylar burynǵysha 80 teńge tóleıdi. Al qolma-qol tólemaqy 150 teńge bolmaq. Balalar jolaqysy – 70 teńge. Ekinshi dúnıejúzilik soǵys qatysýshylary men múgedekteri, kózi kórmeıtin birinshi toptaǵy múgedekter, 16 jasqa deıingi múgedekter, sondaı-aq 7 jasqa deıingi balalar (oryn usynýsyz) tegin júredi. 15 jasqa deıingi balalar, kózi kórmeıtin 1 toptaǵy múgedekterdi alyp júrýshiler jolaqynyń teń jartysyn tóleıdi», - dep habarlady vedomstvodan.
Eske sala keteıik, budan buryn Oralda eki avtobýs soqtyǵysyp, 11 adamnyń aýrýhanaǵa jetkizilgenin jazǵan bolatynbyz.
Sondaı-aq Oralda eki avtobýstyń soqtyǵysýynan zardap shekkender sany 16-ǵa jetti.