Oralda avtobýsta qaıtys bolǵan zeınetkerdiń ólimine qatysty qylmystyq is qozǵaldy
ORAL. QazAqparat - Oralda avtobýsta kóz jumǵan 80 jastaǵy zeınetkerdiń ólimine qatysty qylmystyq is qozǵaldy, dep habarlaıdy QazAqparat tilshisi.
BQO ishki ister departamentiniń baspasóz qyzmetinen túsken málimetke qaraǵanda, 6 maýsym kúni Máskeý men Syrym Datuly kósheleriniń qıylysynda №46 baǵytpen júretin avtobýsta 1938 jylǵy zeınetker áıel jedel járdem kelgenge deıin qaıtys boldy.
Júrgizýshiniń sózine qaraǵanda, dene jaraqattarymen, es-tússiz kúıde jatqan áıeldi «Cheremýshkı» saıajaı qoǵamy aıaldamasynan otyrǵyzyp alǵan.
Sol kúni atalǵan derek boıynsha Oral qalalyq ishki ister basqarmasy QR QK 99-baby 1-bóligine sáıkes qylmystyq is qozǵalyp, sot-medıtsınalyq saraptama taǵaıyndaldy.
Saraptama qorytyndysyn eskere otyryp, atalǵan qylmystyq quqyqbuzýshylyq QR QK 345-baby 3-bóligine (abaısyzda kisi ólimine soqtyrǵan jol erejesin buzý) qaıta dárejelendi.
Eske sala keteıik, budan buryn avtobýsta zeınetker áıeldiń kóz jumǵanyn jazǵan bolatynbyz.
