Oralda avtobýs jaıaý júrginshini qaǵyp ketti
ORAL. QazAqparat - Oralda №5 baǵytpen júretin avtobýs adamdy qaǵyp ketti, dep habarlaıdy QazAqparat tilshisi.
Oblystyq densaýlyq saqtaý basqarmasynyń baspasóz qyzmetinen túsken málimetke qaraǵanda, oqıǵa búgin saǵat 08.58-der shamasynda Dostyq dańǵyly boıynda, Karev aıaldamasy mańynda bolǵan.
Bastapqy málimet boıynsha 2001 jylǵy bozbala (jaıaý júrginshi) jabyq bas-mı jaraqatyn alyp, mıy shaıqalǵan, sol jaq mańdaıy kógergen.
Oǵan qosa avtobýstaǵy eki jolaýshy zardap shekken. Aldyn ala derekke qaraǵanda, 1994 jylǵy eki qyz jabyq bas-mı jaraqatyn alyp, mıy shaıqalǵan, bireýiniń tizesi de kógergen.
Qazirgi kezde oqıǵanyń jaı-japsary anyqtalyp jatyr.
