Oralda avtobýs turǵyn úımen «túıisti»

ORAL. QazAqparat - Búgin saǵat 14.00-der shamasynda Dostyq dańǵyly boıynda oqys oqıǵa boldy, dep habarlaıdy «QazAqparat» tilshisi.

BQO ishki ister departamentiniń baspasóz qyzmetinen túsken málimetke qaraǵanda, №35 baǵytpen júretin avtobýs qarsy shyǵyp qalǵan kólikten jaltaramyn degende kóp qabatty turǵyn úıdiń (Dostyq dańǵyly, 160) qabyrǵasyna baryp soǵylǵan. Tórt adam medıtsınalyq járdem alýǵa jiberilgen. Qatty jaraqat alǵan eshkim joq.

Qazirgi kezde oqıǵanyń mán-jaıy anyqtalý ústinde.

Aıta keteıik, bul avtobýstyń qatysýymen bolyp otyrǵan birinshi jol-kólik oqıǵasy emes. Budan buryn da avtobýstar men ózge kólikterdiń soqtyǵysýy saldarynan kóptegen adam jaraqat alǵan bolatyn.