Oralda avtobýs pen júk kóligi soqtyǵysyp, 2 adam qaza tapty
ORAL. QazAqparat - Búgin Oral-Jelaev jolynda avtobýs pen «MAZ» júk kóligi soqtyǵysty, dep habarlaıdy «QazAqparat» tilshisi.
Oral qalalyq ishki ister basqarmasy bastyǵynyń birinshi orynbasary Nurlan Bısenovtiń aıtýynsha, bul jóninde habar saǵat 16.15-te túsken.Jol apatynan áıel adam qaza tapqan. Eki bala jaraqat alǵan.
BQO densaýlyq saqtaý basqarmasy basshysynyń orynbasary Nurdanat Berkinǵalıdyń naqtylaǵanyndaı, jedel járdem kóligi kelgennen keıin taǵy bir adam kóz jumǵan. Sonymen qatar qalalyq kópbeıindi aýrýhanaǵa 7 adam jetkizilgen. Sonyń ekeýi - balalar.
Qazirgi kezde oqıǵanyń jaı-japsary anyqtalý ústinde.
