Oralda avtobýs pen jeńil kólik soqtyǵysyp, bir adam qaza tapty
ORAL. QazAqparat – Oralda avtobýs pen jeńil kólik soqtyǵysyp, bir adam qaza tapty, dep habarlaıdy QazAqparat tilshisi.
Oqıǵa 3 tamyz kúni keshkisin saǵat 21.00 shamasynda Pýgachev pen Isataı-Mahambet kósheleriniń qıylysynda boldy.
Kýágerlerdiń sózine qaraǵanda, №2 baǵytta júretin avtobýs pen VAZ-2110 avtokóligi túıisken.
Sonyń saldarynan jeńil kólikte otyrǵan eki adam aýyr jaraqat alyp, bireýi aýrýhanada kóz jumdy.
BQO polıtsııa departamentiniń baspasóz qyzmeti oqıǵany rastap, qazirgi kezde jaı-japsary anyqtalyp jatqanyn jetkizdi.
Eske sala keteıik, budan buryn BQO-da kólik apatynan bir adamnyń kóz jumǵanyn jazǵan bolatynbyz.
