Oralda avtobýs pen jeńil kólik soqtyǵysty

ORAL. QazAqparat - Oral qalasynda avtobýs pen Gazel kóligi soqtyǵysyp, eki adam aýrýhanaǵa jetkizildi, dep habarlaıdy QazAqparat tilshisi.

BQO densaýlyq saqtaý basqarmasy baspasóz qyzmetinen túsken málimetke qaraǵanda, oqıǵa 2 tamyz kúni tańmen boldy.

Saǵat 07.40-ta oblystyq jedel medıtsınalyq járdem stantsııasy operatoryna Syrym Datuly kóshesi boıynda «El yrysy» aıaldamasyna jetpeı 6-baǵytta júretin avtobýs jeńil kólikpen túıiskeni týraly habar túsken.

«Jol-kólik oqıǵasynan zardap shekken 1964 jáne 1970 jylǵy eki áıel oblystyq kópbeıindi aýrýhananyń jaraqat bólimine jetkizildi. Olar travmatolog dárigerdiń qabyldaýynda bolyp, qajetti medıtsınalyq tekserýden ótip, kómek kórsetildi. Ekeýine de ambýlatorııalyq em taǵaıyndalyp, úılerine jiberildi» dep habarlady vedomstvodan.

BQO polıtsııa departamentiniń baspasóz qyzmeti oqıǵany rastap, aqparatty keıin beretinin jetkizdi.

BQO polıtsııa departamenti baspasóz qyzmetiniń naqtylaýynsha, Táýelsizdik pen Syrym Datuly kósheleriniń qıylysynda 1993 jylǵy júrgizýshi «Gaz 3302» avtokóligimen jol qaýipsizdigin qamtamasyz etpegen.

Sóıtip 2002 jylǵy júrgizýshi aıdap kele jatqan, 6-baǵytta júretin avtobýspen túıisýge jol bergen.

Tıisti saraptamalar taǵaıyndaldy, soǵan sáıkes quqyqtyq baǵa beriledi.

Eske sala keteıik, budan buryn Oralda terezeden sekirmek bolǵan qarııanyń qutqarylǵanyn jazǵan bolatynbyz.