Oralda avtobýs pen kran soqtyǵysyp, úsh adam zardap shekti
ORAL. QazAqparat - Oralda búgin №5 baǵytpen júretin avtobýsqa kran kóligi soqtyǵysyp, úsh adam zardap shekti, dep habarlaıdy QazAqparat tilshisi.
Oblystyq densaýlyq saqtaý basqarmasynyń baspasóz hatshysy Aınagúl Saqposynovanyń aıtýynsha, oqıǵa 6-shaǵynaýdan 51-úı aıaldamasy mańynda oryn aldy.
Jedel járdem saǵat 09.29-da shaqyrylyp, brıgada jeti mınýttan keıin jetken.
1992 jylǵy qyzdyń mıy shaıqalǵan. 1985 jylǵy áıel ishinen jaraqat alǵan. 1982 jylǵy áıel basyn soqqan. Olardyń úsheýi de qalalyq kópbeıindi aýrýhanaǵa jetkizilip, keıin ambýlatorlyq em alý úshin úılerine jiberildi.
Qazirgi kezde oqıǵanyń jaı-japsary anyqtalý ústinde.
