Oralda avtobýs órtenip, júrgizýshisi aýrýhanaǵa jetkizildi

ORAL. KAZINFORM - Batys Qazaqstan oblysynda órt sóndirýshiler janyp jatqan avtobýsty sóndirdi.

«Búgin Oralda G.Potanın kóshesi boıynda avtobýstyń janýy oryn alyp, joǵary temperatýralyq áserden jaqyn turǵan jeńil avtomobıl zaqymdanǵan.

Órt jedel túrde sóndirildi. Órttiń saldarynan 1977 jyly týǵan júrgizýshi jeńil kúıik alyp, jedel járdem brıgadasyna tabystaldy», — dep jazdy TJM baspasóz qyzmetinen.

Órttiń aldyn-ala sebebi — tehnıkalyq aqaýlyq.

TJM avtokólikti órtten qorǵaý úshin kólik ıelerine kelesi sharttardy oryndaý qajet ekenin eske salady:

• tehnıkalyq baıqaýdan ýaqytynda ótkizý;
• elektronıkany tek mamandandyrylǵan ortalyqtarda ornatý;
• árqashan jaramdy órt sóndirgishti kólik salonynda ustaý;
• qozǵaltqyshtyń otyn apparatýrasynyń jaramdylyǵyn baqylaý;
• kólikte bógde, tez tutanatyn zattardy ustamaý;
• janar-jaǵarmaı materıaldaryn tek germetıkalyq ydystarda tasymaldaý.