Oralda avtobýs qaǵyp ketken qyz qaza tapty
ORAL. 4 qyrkúıek. QazAqparat - 2 qyrkúıek kúni tańerteń №35 baǵytta júretin avtobýs M. Ótemisuly atyndaǵy Batys Qazaqstan memlekettik ýnıversıteti mańynda 1994 jylǵy qyzdy qaǵyp ketti.
Oblystyq ishki ister departamentiniń baspasóz qyzmetinen túsken málimetke qaraǵanda, stýdent qyz jedel járdem jetkenshe oqıǵa ornynda kóz jumǵan. Ol jaıaý júrginshiler ótetin jerden ótpek bolǵan.
Oblystyq jol polıtsııasy basqarmasy bastyǵynyń orynbasary Sáken Qaıroldınniń málim etkenindeı, júrgizýshi qyzdy kórmegenin aıtady. Júrgizýshi narkologııalyq saraptamadan ótkizildi, onyń qorytyndysy keıin belgili bolady. Onyń júrgizýshi retinde barlyq sanaty jáne 26 jyl jumys ótili bar.
Jas qyzdyń ǵumyryn qıǵan avtobýs aıyp turaǵyna qoıyldy.
