Oralda avtobýs er adamdy qaǵyp ketti
ORAL. QazAqparat - Oralda jolaýshylar avtobýsy er adamdy qaǵyp ketti, dep habarlaıdy QazAqparat tilshisi.
Oqıǵa 28 aqpan kúni keshkisin Zachagan kentindegi Jáńgir han kóshesinde oryn aldy.
Kýágerlerdiń sózine qaraǵanda, «Jazıra» aıaldamasy mańynda №5 baǵytpen júretin avtobýs er adamdy basyp ketken.
Marqum oqıǵa ornynda qaza tapty.
Oblystyq densaýlyq saqtaý basqarmasynyń baspasóz qyzmetinen túsken málimetke qaraǵanda, 1966 jylǵy er adam jedel járdem kelgenge deıin qaıtys boldy. Qazirgi kezde oqıǵanyń jaı-japsary anyqtalý ústinde.
Eske sala keteıik, budan buryn Oralda jedel járdem feldsheriniń asýly kúıinde ormannan tabylǵanyn jazǵan bolatynbyz.
