Oralda avtobýs eki jaıaý júrginshini qaǵyp ketti
ORAL. QazAqparat – Oralda jolaýshylar avtobýsy eki jaıaý júrginshini qaǵyp ketti, dep habarlaıdy QazAqparat tilshisi.
BQO polıtsııa departamentiniń baspasóz qyzmetinen túsken málimetke qaraǵanda, oqıǵa búgin saǵat 11.30-da N.Nazarbaev dańǵyly boıynda boldy.
Ahmedııar batyr aıaldamasy tusynda №5 baǵytta qatynaıtyn jolaýshylar avtobýsy eki er adamdy qaǵyp ketken.
45 jasar avtobýs júrgizýshisiniń sózine qaraǵanda, ol baǵdarshamnyń ruqsat beretin belgisimen kele jatqan. Er adamdar jolǵa júgirip shyqqan.
Qazirgi kezde oqıǵanyń mán-jaıy anyqtalý ústinde.
Oblystyq densaýlyq saqtaý basqarmasynyń baspasóz hatshysy Aınagúl Saqposynovanyń aıtýynsha, 41 jáne 33 jastaǵy er adamdar oblystyq kópbeıindi aýrýhanaǵa jetkizildi.
Aldyn ala málimet boıynsha, olardyń bastarynyń jumsaq tinderi isingen. Oǵan qosa 33 jastaǵy er adam ish jaraqatyn alsa, ekinshisiniń qabyrǵasy synǵan.
Eske sala keteıik, budan buryn Oralda jedel járdem kóliginiń jol apatyna ushyrap, tórt adamnyń zardap shekkenin jazǵan bolatynbyz.
