Oralda avtobýs dúkendi qıratyp ketti
ORAL. QazAqparat - Oralda shaǵyn avtobýs «Sandyqtar» dúkenine kirip ketti, dep habarlaıdy QazAqparat tilshisi.
BQO polıtsııa departamentiniń baspasóz qyzmetinen túsken málimetke qaraǵanda, oqıǵa 1 qańtar kúni bolǵan.
Saǵat 04.00 shamasynda «Peogeot» avtokóliginiń júrgizýshisi S.Daýmov kóshesimen kele jatyp, rýlge ıe bola almaı, «Sandyqtar» dúkenine soǵylǵan.
Jol apaty saldarynan júrgizýshi qalalyq aýrýhanaǵa jetkizildi. Ol keıin ákimshilik jaýapkershilikke tartylatyn bolady.Keltirilgen shyǵyn anyqtalý ústinde.
Dúken ıesi Birjan Qojaqovtyń aıtýynsha, shaǵyn avtobýs dúkendegi daıyn turǵan ónimderdi, jumys jasaıtyn apparattardy qıratyp ketken. Oǵan qosa bular kelgenshe belgisiz bireýler dúkendi tonap ketken.
«Endi munda jumys jasaý múmkin emes. Qys ishinde ǵımarat tabý qıyn eken. Oblys ákimine de kirsem be dep otyrmyn», - dedi ózi sııaqty múgedek jandarǵa jumys taýyp berip otyrǵan B.Qojaqov.
