Oralda avtobýs basyp ketken er adam jansaqtaý bóliminde jan tapsyrdy
ASTANA. QazAqparat - Oral qalasynda jolaýshylar kóligi eki adamdy - er adam men áıeldi qaǵyp ketti. Olar belgilenbegen jerden joldy kesip ótip bara jatqan, dep habarlaıdy "Moı gorod".
Júrgizýshiniń aıtýynsha, ol qala ortalyǵyna qaraı bara jatqan: «Men saǵatyna 35-40 km jyldamdyqpen júrip kele jatqam, olar (er adam men áıel - red.) joldyń qarsy betinen beri qara ótip kele jatty. Men tejegishti bastym, biraq tym kesh boldy».
Kýágerlerdiń aıtýynsha, avtobýs er adamnyń aıaǵyn basyp óte shyqqan. Al áıel adam túrli jaraqattar alǵan. Ekeýi de oblystyq klınıkalyq aýrýhanaǵa jatqyzylǵan. Arada eki-úsh saǵat ótkende er kisi jansaqtaý bóliminde jan tapsyrdy.
«Japa shegýshiniń eki aıaǵy, jambasy synǵan. Kúre tamyrlary zaqymdanǵan. Bul jaraqattar óte aýyr, onyń ómirin qıyp ketti», - deıdi BQO densaýlyq saqtaý basqarmasynyń baspasóz hatshysy.
