Oralda aýylsharýashylyq ónimin óndirýshiler 240 mln teńgeniń taýaryn satty
ORAL. QazAqparat - Bıyl sáýir aıynan bastap Oral qalasynda aýyl sharýashylyǵy taýarlarynyń 31 jármeńkesi ótkizilip, 240 mln teńgeniń ónimi satyldy, dep habarlaıdy «QazAqparat» tilshisi.
Oral qalasy ákimdiginen túsken málimetke qaraǵanda, jármeńkelerge elýge jýyq aýyl sharýashylyǵy taýaryn óndirýshiler qatysqan. Olarǵa jáne saıajaıshylarǵa saýda oryndary tegin berildi. Munyń ózi ónimder, sonyń ishinde kartop baǵasyn turaqtandyrýǵa septigin tıgizdi. Mysaly, qazan aıynyń basynda kartoptyń naryqtyq baǵasy ár kelisi 130, dúkenderde 150 teńge bolsa, jármeńkede 90 teńgeden satyldy. Sóıtip naryqtyq baǵa 100-110 teńgege deıin turaqtandyryldy.
Ótken demalys kúnderi márege jetken barlyq jármeńkeniń qorytyndysy boıynsha 852 tonna kókónis, baý-baqsha ónimderi, 83,7 tonna et, 17 tonna balyq jáne 216 myń dana jumyrtqa satyldy.
