Oralda aýrýhanaǵa túsken 8 balanyń jeteýi úılerine jiberildi
ORAL. QazAqparat - Oralda keshe merekelik shara kezinde aýrýhanaǵa túsken 8 balanyń jeteýi úılerine jiberildi, dep habarlaıdy QazAqparat tilshisi.
Oblystyq densaýlyq saqtaý basqarmasynyń baspasóz hatshysy Aınagúl Saqposynovanyń aıtýynsha, qazir bireýi ǵana oblystyq kópbeıindi balalar aýrýhanasynda jatyr, onyń da jaǵdaıy qanaǵattanarlyq.
Olardyń bárine de vegetatıvti-tamyrly dıstonııa degen dıagnoz qoıylǵan. ıAǵnı balalar ystyqtan álsiregen. Keshe qulaǵan bir balaǵa bas-mı jaraqatyn alǵan jáne mıy shaıqalǵan degen aldyn ala qoıylǵan dıagnoz rastalmady. Jeti bala ambýlatorlyq emdelýge jiberilgen.
Eske sala keteıik, keshe merekege daıyndyq kezinde basy aınalǵan 8 oqýshynyń aýrýhanaǵa túskenin jazǵan bolatynbyz. Olardyń bári de - qala mektepteriniń joǵary synyp oqýshylary.
