Oralda aýrýhanadan shyǵyp, joǵalyp ketken 65 jastaǵy er adamnyń múrdesi tabyldy
ORAL. QazAqparat – Oralda aýrýhanadan shyǵyp, joǵalyp ketken 65 jastaǵy er adamnyń múrdesi tabyldy, dep habarlaıdy QazAqparat tilshisi.
BQO polıtsııa departamentiniń baspasóz qyzmeti málim etkenindeı, 27 sáýir kúni saǵat 12.13-te Depovskaıa kóshesinde belgisiz adamnyń denesi tabylǵany jóninde habar túsken.
«Onyń 1 sáýir kúni aýrýhanadan shyǵyp, iz-túzsiz ketken 1955 jylǵy er adamnyń múrdesi ekendigi belgili boldy. Qazirgi tańda sot-medıtsınalyq saraptama taǵaıyndalyp, oqıǵanyń mán-jaıy anyqtalý ústinde», dep habarlady vedomstvodan.
Eske sala keteıik, budan buryn Oralda aýrýhanadan shyǵyp ketken 65 jastaǵy er adamnyń taptyrmaı jatyrǵanyn jazǵan bolatynbyz.
