Oralda aýrýhanada balaǵat sóz aıtyp, dárigerge tıisken áıelge aıyppul salyndy
ORAL. KAZINFORM — Oral qalasynyń ákimshilik quqyq buzýshylyqtar jónindegi mamandandyrylǵan sotynda Ákimshilik quqyq buzýshylyq týraly kodeksi 434-babynyń 1-bóligi boıynsha áıelge qatysty is qaraldy.
BQO sotynan túsken málimetke qaraǵanda, isti qaraý barysynda áıeldiń Oral qalasyndaǵy oblystyq aýrýhanada kezekshi dárigermen janjal shyǵarǵany anyqtaldy.
Oqıǵa barysynda ol balaǵat sózder aıtyp, qoǵamdyq tártipti buzyp, dárigerden onymen orys tilinde sóılesýin talap etken.
Medıtsınalyq kýálandyrý qorytyndysyna sáıkes áıel jeńil dárejedegi alkogoldik masań kúıde bolǵan.
Sot is boıynsha usynylǵan materıaldardy zerttep, quqyq buzýshynyń áreketterine tıisti quqyqtyq baǵa berdi.
Ákimshilik jaza taǵaıyndaý kezinde sot áıeldiń asyraýynda úsh balasy bar ekenin, olardyń bireýi kámeletke tolmaǵanyn da eskerdi. Osy mán-jaıdy eskere otyryp, oǵan ákimshilik qamaq qoldanylmaıdy.
- Іsti qaraý nátıjesinde áıel Ákimshilik quqyq buzýshylyq týraly kodeksiniń 434-baby 1-bóligine (usaq buzaqylyq) sáıkes kináli dep tanyldy. Sot oǵan 20 AEK mólsherinde aıyppul túrindegi ákimshilik jaza taǵaıyndady, - dep habarlady vedomstvodan.
Eske sala keteıik, budan buryn BQO-da jer komıssııasynyń sheshimderi zańsyz dep tanylǵanyn jazǵan edik.
