Oralda aýrýhana jertólesinen órt shyǵyp, 28 naýqas evakýatsııalandy
ORAL. QazAqparat - Oralda aýrýhana jertólesinen órt shyǵyp, 72 qyzmetker, 28 naýqas evakýatsııalandy, dep habarlaıdy QazAqparat tilshisi.
BQO TJ departamentiniń baspasóz qyzmetinen túsken málimetke qaraǵanda, oqıǵa 25 mamyr kúni saǵat 15.10-da E.Oraqbaev kóshesi 12-mekenjaıynda ornalasqan «Talap» AQ klınıkasynda boldy.
Órt sóndirýshiler jedel jetken kezde jertóle tútinge oranyp, elektr qalqanynyń (10 sharshy metr) janyp jatqany anyqtaldy.
Aýrýhanadan 72 qyzmetker, 28 naýqas evakýatsııalandy.
Zardap shekkender joq.
«Tilsiz jaý» 15.46-da oqshaýlanyp, 15.56-da tolyqtaı aýyzdyqtaldy.
Órtti sóndirýge 32 qyzmetker 10 tehnıkamen jumyldyryldy.
Eske sala keteıik, budan buryn BQO-da 17 jasar jasóspirimniń sýǵa ketkenin jazǵan bolatynbyz.
