Oralda aýla sypyrýshynyń múrdesi tabyldy
ORAL. QazAqparat - Oralda búgin aýla sypyrýshynyń múrdesi tabyldy, dep habarlaıdy QazAqparat tilshisi.
Oblystyq avıatsııa sporty boıynsha balalar-jasóspirimder sport-tehnıkalyq mektebinde aýla sypyrýshy bolyp eńbek etken 1972 jylǵy azamat ádettegideı tańerteń jumysqa kelgen.
Mektep qyzmetkerleriniń sózine qaraǵanda, kóp uzamaı marqumnyń múrdesi garajdardyń artyndaǵy qýystan tabyldy.
Onyń júregi ustap qalǵan sekildi.
Qazirgi kezde oqıǵanyń mán-jaıy anyqtalý ústinde.
BQO ishki ister departamentiniń baspasóz hatshysy Ibragım Júsipqalıev marqumnyń denesinde zorlyq belgileri joq ekendigin jetkizdi.
